Modellering og anvendingar

Kva er eigentleg matematisk modellering? Korleis ser matematisk modellering ut i klasserommet? Og korleis kan lærarar støtte elevar i å utvikle modelleringskompetanse?

Modellering og anvendingar. Matematisk modellering i skulen gir lærarstudentar og lærarar ei grundig innføring i matematisk modellering. Boka er praksisnær og inneheld oppgåveidear og døme frå skulekvardagen. Du får tips til arbeid med matematisk modellering i klasserommet og korleis du kan gjere undervisninga meir praktisk og relevant.

Forfattarane av boka underviser matematikk i lærarutdanninga og har bakgrunn som lærarar i grunnskule og vidaregåande skule. Dei forskar på matematisk modellering og bruken av matematikk i dagleglivet og samfunnet. Boka er utforma med bakgrunn i forfattarane sine erfaringar frå undervising og forsking, og dei har lagt vekt på å knyte saman teori og praksis. Ho tek føre seg pedagogiske og didaktiske prinsipp for undervisning av modellering og vurdering av elevane sin modelleringskompetanse.

Boka er forankra i internasjonal vitskapleg litteratur om og forsking på temaet matematisk modellering i klasserommet. Boka er eit viktig bidrag der idear frå forskingsfeltet er samla i ei lærebok på norsk.

Modellering og anvendingar. Matematisk modellering i skulen gir deg verktøya du treng for å undervise matematisk modellering. Boka er aktuell for lærarar og studentar som tek lærarutdanning.